Sagkod ngunian
pighahalat ta ka pa man,
Dai mo sana naaraman
An sakong namamatean.
Kan ika binalikan
Iba na an saimong kaibanan
Bako na ako an saimong pig-iingatan,
Bako na ako an saimong kaipuhan,
Bako na ako an saimong pig-aapudan,
Bako na ako an kamot na saimong pigkakaputan,
Bako na ngabil ko an saimong pighahadukan,
Bako na ako an saimong pinapangaturugan,
Bako na ako an saimong namomotan.
Nagduman ako sa lain na lugar, tanganing ika malingawan
Pigpapasakitan ko lamang an sakong daghan.
Igwa man ki mga namidbidan
Pero dai ko masabotan
Ta sakong pighahanap an sakong namomotan
Sagkod ngunian.

Sarung banggi, sa higdaan
Nakadangog ako nin huni nin sarong gamgam
Sa loba ko katurogan
Bako kundi simong boses iyo palan

Dagos ako bangon
Si sakuyang mata iminuklat
Kaidtong kadikluman ako nangalagkalag
Si sakong paghiling pasiring sa itaas
Simong lawog nahiling ko maliwanag